Сайтка кириу

НӨКИС ҚАЛАСЫ ҲӘКИМИНИҢ ШЕШИМИ

ЖОЙБАР

НӨКИС ҚАЛАСЫ ҲӘКИМИНИҢ ШЕШИМИ

 

Нөкис қаласы Е.Алакөз көшеси менен Қарақалпақстан көшеси кесилиспеси ҳәм 26-киши районда (Өзбекстан көшеси) жол транспорт ҳәдийселериниң алдын алыў ҳәм ҳәрекет қәўипсизлигин тәмийинлеў ҳаққында

 

Нөкис қалалық ишки ислер органларының жумысларын муўапықластырыў басқармасы Жол ҳәрекети қәўипсизлиги бөлиминиң 2019-жыл 9-февральдағы   12/2316-санлы «Нөкис қаласы Е.Алакөз көшеси менен Қарақалпақстан көшеси кесилиспеси ҳәм 26-киши районда (Өзбекстан көшеси) жол белгилерин ҳәм светофор орнатыў ҳаққында»ғы усынысын қарап шығып, Өзбекстан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон,197-модда)ның 7-статьясына, «Жергиликли мәмлекетлик ҳәкимият ҳаққында»ғы Нызамының 25-статьясына муўапық, Нөкис қаласы Е.Алакөз көшеси менен Қарақалпақстан көшеси кесилиспеси ҳәм 26-киши районда (Өзбекстан көшеси) транспорт қуралларының ҳәрекетлениўин тәртипке салыў, жол ҳәрекети қәўипсизлигин тәмийинлеў мақсетинде:

 

Ш Е Ш И М  Е Т Е М Е Н :

 

1. Нөкис қаласы Е.Алакөз көшеси менен Қарақалпақстан көшеси кесилиспеси ҳәм 26-киши районда (Өзбекстан көшеси) транспорт қуралларының ҳәрекетлениўин тәртипке салыў, жол ҳәрекети қәўипсизлигин тәмийинлеў мақсетинде Өзбекстан Республикасы Министрлер Кабинетиниң      2000-жыл 11-декабрьдеги 472-санлы қарары менен тастыйықланған «Жол ҳәрекети қәделери»ниң қадаған етиўши жол белгилер ҳәм светофор орнатылсын.

2. Нөкис қалалық ишки ислер органларының жумысларын муўапықластырыў басқармасы Жол ҳәрекети қәўипсизлиги бөлимине (Б.Юсупов) жоқарыдағы жол белгилерин белгиленген тәртипте орнатыў тапсырылсын.

3. Усы шешимниң орынланыўын қадағалаў Нөкис қаласы ҳәкиминиң санаатты раўажландырыў, капитал қурылыс, коммуникациялар, ҳәм коммунал хожалығы мәселелери бойынша орынбасары М.Ерназаровқа жүкленсин.

4. Бул шешим қалалық «Нөкис ҳақыйқаты» газетасында рәсмий жариялансын ҳәм ҳәкимлик рәсмий веб-сайтында жайластырылсын.

5. Бул шешим рәсмий жарияланған күннен баслап күшке киреди.

 

Ҳәким ў.ў.а:                                                            П.Турешев