Сайтка кириу

Қала аймағындағы аўыл хожалығы, жол-қурылысы, мелиоратив техникалары ҳәм трактор тиркемелерин, устахана ҳәм сервис пунктлериниң әспаб-үскенелерин жыллық техник көриктен өткизиў ҳаққында

Қала аймағындағы аўыл хожалығы, жол-қурылысы, мелиоратив техникалары ҳәм трактор тиркемелерин, устахана ҳәм сервис  пунктлериниң  әспаб-үскенелерин  жыллық  техник  көриктен  өткизиў  ҳаққында

 

    Өзбекстан Республикасы Президентиниң 2018-жыл 7-май күнги “Өзбекстан Республикасы Бас прокуратурасы жанындағы Агросанаат комплекси хәм азық-аўқат қәўипсизлиги тәмийинлениўи үстинен қадағалаў инспекциясы жумысын шөлкемлестириў шара-иләжлары ҳаккында”ғы ПҚ-3699-санлы Қарарының 4-қосымшасы ҳәм Өзбекстан Республикасы Әдиллик министрлигинен 2013-жыл 25-апрелде  2452-сан менен дизимнен өткизилген “Аўыл хожалығы ҳәм мелиоратив техниканы, сондай- ақ, машина-трактор парклери, устахана ҳәм сервис пунктлериниң әспаб-үскенелерин техник көриктен өткизиў тәртиби ҳаққында”ғы нызам (Өзбекстан Республикасы Нызам ҳүжжетлери топламы, 2013-жыл, 17-сан, 229-статья) талапларынан келип шығып, қала аймағындағы аўыл хожалығы, жол-қурылыс, мелиоратив техниканы, сондай-ақ, устахана ҳәм сервис пунктлериниң әспаб-үскенелерин 2019-жылда жыллық техник көриктен өткизиў мақсетинде «Жергиликли мәмлекетлик ҳәкимият ҳаққында»ғы  Нызамының 22,25-статьясына тийкарланып

ШЕШИМ ҚАБЫЛ ЕТЕДИ:

      1.Қала аймағындағы юридик ҳәм физикалық шахсларға тийисли болған аўыл хожалығы, жол-қурылыс, мелиоратив техникалары, сондай-ақ, машина-трактор парклери, устахана ҳәм сервис пунктлериниң әспаб-үскенелерин:

— жыллық техник көриктен өткизиў бойынша комиссия қурамы 1-қосымшаға;

— техник көриктен өткизиў кестеси 2-қосымшаға муўапық тастыйықлансын.

2.Техник көриктен өткизиў бойынша комиссияга:

— мүлкшилик түриниң қандай болыўына қарамастан юридик ҳәм физикалық шахсларға аўыл хожалығы, жол-қурылыс, мелиоратив техникалары, сондай-ақ, машина-трактор парклери, устахана ҳәм сервис пунктлериниң әспаб-үскенелерин техник көриктен өткизиў хаккында хабар бериў;

— техникалық талапларға жуўап бермейтуғын насаз техникалардан пайдаланылыўын қадаған етиў;

— техник көрик барысында аўыл хожалығы, жол-қурылыс, мелиоратив техникалар, сондай-ақ, машина-трактор парклери, устахана ҳәм сервис пунктлери әспаб-үскенелериниң таярлығы, ҳәр бир тракторшы-машинисттиң тийисли техниканы басқарыў ҳүжжетиниң барлығы, техникалардың белгиленген тәртипте дизимнен өткизилгенлиги ҳәм басқа да техникалық талапларға жуўап бериўине итибар қаратыў;

— техник көриктен өткен техникаларды далалатнамалар тийкарында ислеўге рухсат бериў ўазыйпалары жүклетилсин.

3.Қала аймағындағы барлық кәрханалар, шөлкемлер (юридик шахслар) ҳәм де мәкан пухаралар жыйыны басшыларына:

— балансындағы бар болған трактор, аўыл хожалығы, жол-қурылыс, мелиоратив техникалары, сондай-ақ, устахана ҳәм сервис пунктлериниң әспаб-үскенелерин өз мүддетлеринде техникалық көриктен өткизиўге таярлаў;

— техник көриктен өткизиў төлемлериниң төлениўин тәмийинлеў;

— тракторшы-машинистлерди медициналық көриктен өткизиў ҳәм де олардың мағлыўматнамаларын комиссияға усыныў;

— ҳәр бир мәкан пухаралар жыйыны өз аймағындағы меншик техникалардың техник көриктен өткизилиўин шөлкемлестириў ўазыйпалары жүклетилсин.

4.Қала ҳәкиминиң санаатты раўажландырыў, капитал қурылыс, коммуникациялар ҳәм коммунал хожалығы мәселелери бойынша орынбасары  М.Ерназаровка:

Қала  аймағындағы барлық кәрханалар ҳәм пухаралар ийелигиндеги техникаларды техник көриктен өткизиў менен байланыслы болған төлемлериниң өндирилиўине әмелий жәрдем бериў тапсырылсын.

5.Нөкис қаласы ҳәкиминиң 2018-жыл 10-январь күнги«Қаладағы аўыл хожалығы, жол-қурылыс, мелиоратив техникаларын ҳәм трактор тиркемелерин, устахана ҳәм сервис пунктлериниң әсбап-үскенелерин мәжбүрий техникалық көриктен өткериў ҳаққында»ғы 05/01-03 санлы шешими («Нөкис ҳақыйқаты» газетасы 20-январь 2018-жыл №3 (1156)) өз күшин жойытқан деп есаплансын.

6.Шешимнын орынланыўын қадағалаў қала ҳәкиминиң орынбасары М.Ерназаровқа жүклетилсин.

7.Бул шешим қалалық «Нөкис ҳакыйқаты» газетасында жәриялансын хәм ҳәкимликтин рәсмий веб сайтында жайластырылсын.

8.Усы шешим рәсмий түрде жәрияланған күнинен баслап күшине киреди.

Нөкис қаласы ҳәкими ў.ў.а                П. Турешов

25.02.2019.   №05/02-14