Сайтка кириу

ТАРАЎ ХЫЗМЕТКЕРЛЕРИНИӉ МИЙНЕТЛЕРИ БАҲАЛАНДЫ

ТАРАЎ ХЫЗМЕТКЕРЛЕРИНИӉ МИЙНЕТЛЕРИ БАҲАЛАНДЫ

Жанылғы-энергетика тараўын модернизациялаў, энергия ресурсларын жеткерип бериў ҳәм басқа да уйымлардыӊ ҳүжжетлериниӊ орынланыў механизимлерин жаратыў мақсетинде Өзбекстан Республикасы Президентиниӊ 2017-жыл 29-майдағы «Электр энергиясы ҳәм тәбийий газ жеткерип бериў ҳәм де тутыныў тараўында төлеў тәртибин және де беккемлеў, сондай-ақ, орынлаў исин жүргизиў системасын түп-тийкарынан жетилистириў ис-илажлары ҳаққында»ғы Пәрманы қабыл етилген еди. Пәрман тийкарында Өзбекстан Республикасы Бас прокуратурасы жанында Мәжбүрий орынлаў бюросы шөлкемлестирилип, усы Пәрманныӊ орынланыўы бойынша  Өзбекстан Республикасы Президентиниӊ 2017-жыл 30-майдағы «Өзбекстан Республикасы Бас прокуратурасы жанында Мәжбүрий орынлаў бюросы жумысын шөлкемлестириў ҳаққында»ғы қарары қабыл етилди.

Мәжбүрий орынлаў бюросы Нөкис қалалық бөлими пайтахтымыз турғынларынан электр энергиясы, тәбийий газ, ишимлик суў жеткерип бериў, бөлистириў тармақларына нызамсыз жалғаныў, талан-таражлық жағдайларын анықлаў, оларды сапластырыў ҳәм алдын алыў, тутыныўшылардыӊ қарыздарлығын азайтыў, жуўапкершлигин ҳәм ҳуқықый мәдениятын атырыўда нәтийжели жумысларды әмелге асырып келмекте. Сондай-ақ, электр энергиясы, тәбийий газ, ишимлик суў ушын төлемлерди толық өндириллиўин тәмийинлеўде жыл басынан берли белгиленген режени Республикамызда өз ўақтында орынлап киятырғаны ҳәм октябрь айында биринши болып орынлағаны ушын бөлимниӊ мәмлекетлик инспекторлары пайтахтымыздағы төрт сектор баслықларыныӊ қатнасында Нөкис қаласы ҳәкимлигиниӊ Ҳүрмет жарлығы ҳәм естелик саўғалары менен сыйлықланды.

 

Мурат ТИЛЕЎБАЕВ.