Сайтка кириу

Нөкис қаласы Х.Абдамбетов-Тахиатас гүзары, П.Сейтов-Мәртлик көшелери кесилиспесинде жол ҳәрекет қәўипсизлигин тәмийинлеў ҳаққында

QARAQALPAQSTAN RESPUBLIKASI

 

NO’KIS QALASI

HA’KIMININ’ SHESHIMI

QORAQALPOG’ISTON RESPUBLIKASI

 

NUKUS SHAHAR

HOKIMINING QARORI

A.Dosnazarov 96-jay               Tel: (361) 222-71-01

«10» апрель 2018-жыл                 №05/04-66                           Нөкис қаласы

                                                                     

Нөкис қаласы Х.Абдамбетов-Тахиатас гүзары, П.Сейтов-Мәртлик көшелери кесилиспесинде жол ҳәрекет қәўипсизлигин тәмийинлеў ҳаққында

 

Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2018-жыл 23-январь 11/6-138-санлы автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып, аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз ҳәрекетлениўин тәмийинлеў мақсетинде, светофор техник үскенесин орнатыў ҳаққындағы усынысын қарап шығып, Өзбекстан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон, 197-модда)ның 7-статьясына, Өзбекстан Республикасы «Жергиликли мәмлекетлик ҳәкимият ҳаққында»ғы Нызамының 25-статьясына муўапық

 

Ш Е Ш И М   Е Т Е М Е Н :

  1. Нөкис қаласы Х.Абдамбетов-Тахиатас гүзары, П.Сейтов-Мәртлик көшелери кесилиспесине светофор техник үскенеси орнатылсын.
  2. П.Сейтов-Мәртлик көшелери кесилиспеси базарша алдына
    3.28 «Тоқтаў қадаған» тәсир етиў аралығы 100 м жол белгиси орнатылсын.
  3. Жол белгисин белгиленген тәртипте орнатыў, Нөкис қалалық ишки ислер бөлими (Г.Аметов)не тапсырылсын.
  4. Усы шешимниң орынланыўын қадағалаў Нөкис қаласы ҳәкиминиң орынбасары И.Отегеновқа жүкленсин.
  5. Бул шешим қалалық «Нөкис ҳақыйқаты» газетасында рәсмий жәриялансын ҳәм ҳәкимлик рәсмий веб-сайтына жайластырылсын.

6.Бул шешим рәсмий жәрияланған күннен баслап күшке киреди.