Сайтка кириу

Нөкис қаласы 4Р-191 «Нөкис киши айланбажолы» 1,8-2,2 км аралығы, Каттағар каналы пиядалар өтиў көпиршеси алдында жол ҳәрекет қәўипсизлигин тәмийинлеў ҳаққында

ҚАРАҚАЛПАҚСТАН

РЕСПУБЛИКАСЫ

НϴКИС ҚАЛАСЫ

ҲӘКИМИНИҢ ШЕШИМИ

ҚОРАҚАЛПОҒИСТОН РЕСПУБЛИКАСИ

НУКУС ШАҲАР

ҲОКИМИНИНГ QARORI

А.Досназаров көшеси 96-жай                                 тeл: (361) 222-89-77, факс: 222-71-01
 

«06»   «12»  2017ж.

№ 05/12-173

 

 

 

Нөкис қаласы 4Р-191 «Нөкис киши айланбажолы» 1,8-2,2 км аралығы, Каттағар каналы пиядалар өтиў көпиршеси алдында жол ҳәрекет қәўипсизлигин тәмийинлеў ҳаққында

 

Қарақалпақстан Республикасы Ишки Ислер Министрлиги Жол ҳәрекети қәўипсизлиги басқармасының 2017-жыл 17-октябрь 11/6-3407-санлы, автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып,  аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз ҳәрекетлениўин тәмийинлеў мақсетинде, жол белгисин орнатыў ҳаққындағы усынысын қарап шығып, Өзбекистан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15апрел, 15-сон,  197-модда)ның 7-статьясына, «Жергиликли мәмлекетлик ҳәкимият ҳаққында»ғы Нызамының  25-статьясына муўапық, Нөкис қаласы 4Р-191 «Нөкис киши айланбажолы» 1.8-2.2 км аралығы, Каттағар каналы пиядалар өтиў көпиршеси алдында ҳәм 42-санлы мектеп алдындағы асфальт жолда,транспорт қуралларының ҳәрекетлениўин тәртипке салыў, жол ҳәрекети қәўипсизлигин тәмийинлеў мақсетинде,

 

Ш Е Ш И М   Е Т Е М Е Н :

 

1.Транспорт ағымының көп болыўына байланыслы жол транспорт ҳәдийселериниң алдын алыў, ҳәрекет қәўипсизлигин тәмийинлеў мақсетинде, Өзбекистан Республикасы Министрлер Кабинетиниң 2000-жыл
11-декабрдеги 472-санлы қарары «Жол ҳәрекети қәделери»ниң қадаған етиўши жол белгиси топарына кириўши, Нөкис қаласы 4Р-191 «Нөкис киши айланба жолы» 1.8-2.2 км аралығы, Каттағар каналы пиядалар өтиў көпиршеси алдында 1.21 «Балалар», 3.24 «Жоқары тезлик шекленген» (50 км/с), 7.2.1 «Тәсир етиў аралығы» (200 м), 7.5.6 «Әмел етиў ўақыты» (07:30дан 19:00ге шекем) қосымша хабар белгилери 1.14.1 «Зебра сызығы» ҳәм 42-сан лы мектеп алдына 1.14.1 «Зебра сызығы», 1.21 «Балалар» ҳәм 3.24 «Жоқары тезлик шекленген» (50 км/с) жол белгилери орнатылсын.

2.Жол белгисин белгиленген тәртипте орнатыў, Нөкис қалалық ишки ислер  бөлими ( Г.Аметов) не тапсырылсын.

3.Усы шешимниң орынланыўын қадағалаў Нөкис қаласы ҳәкиминиң орынбасары И.Отегеновқа жүкленсин.

4.Бул шешим қалалық «Нөкис ҳақыйқаты» газетасында рәсмий жариялансын ҳәм ҳәкимлик рәсмий веб-сайтындажайластырылсын.

5.Бул шешим рәсмий жарияланған күннен баслап  күшке  киреди.