Сайтка кириу

Нөкис қаласы «Нөкис автомобиль ҳәм аўсық бөлеклерин сатыў» базары алдында жол ҳәрекет қәўипсизлигин тәмийинлеў ҳаққында

ҚАРАҚАЛПАҚСТАН

РЕСПУБЛИКАСЫ

НϴКИС ҚАЛАСЫ

ҲӘКИМИНИҢ ШЕШИМИ   

ҚОРАҚАЛПОҒИСТОН РЕСПУБЛИКАСИ

НУКУС ШАҲАР

ҲОКИМИНИНГ QARORI

А.Досназаров көшеси 96-жай                                 тeл: (361) 222-89-77, факс: 222-71-01
 

«06» «12 » 2017ж.

№ 05/12-174

 

 

 

Нөкис қаласы «Нөкис автомобиль ҳәм аўсық бөлеклерин сатыў» базары алдында жол ҳәрекет қәўипсизлигин тәмийинлеў ҳаққында

 

Қарақалпақстан Республикасы Ишки Ислер Министрлиги Жол ҳәрекети қәўипсизлиги басқармасының 2017-жыл 15-ноябрь 11/6-3739-санлы, белгиленген ўақытта транспортларқатнасында тырбантлықты келтирип шығармаў, автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып, аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз ҳәрекетлениўин тәмийинлеў мақсетинде, жол белгисин орнатыў ҳаққындағы усынысын қарап шығып, Өзбекистан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15апрел, 15-сон, 197-модда)ның 7-статьясына, «Жергиликли мәмлекетлик ҳәкимият ҳаққында»ғы Нызамының 25-статьясына муўапық, транспорт қуралларының ҳәрекетлениўин тәртипке салыў, жол ҳәрекети қәўипсизлигин тәмийинлеў мақсетинде,

 

Ш Е Ш И М   Е Т Е М Е Н :

           1.Нөкис қаласы «Гөне қала» МПЖ Ақбеткей көшеси «Нөкис автомобиль ҳәм аўсық бөлеклерин сатыў» базарының алды еки тәрепине ҳәм Экономика колледжи жатаққанасының Таза қоныс көшеси еки тәрепине азанғы 7-00ден түски 13-00лер аралығында ҳәптениң екшенби күнлери автотранспортлардың тоқтап турыўларын қадағалаўшы 3.27 «Тоқтаў қадаған» жол белгиси, қосымша 7.5.5 «Тәсир етиў ўақыты» жол белгилери  орнатылсын.

2.Жол белгисин белгиленген тәртипте орнатыў, Нөкис қалалық ишки ислер бөлими (Г.Аметов)не тапсырылсын.

3.Усы шешимниң орынланыўын қадағалаў Нөкис қаласы ҳәкиминиң орынбасары И.Отегеновқа жүкленсин.

4.Бул шешим қалалық «Нөкис ҳақыйқаты» газетасында рәсмий жариялансын ҳәм ҳәкимлик рәсмий веб-сайтында жайластырылсын.

5.Бул шешим рәсмий жарияланған күннен баслап күшке киреди.