Сайтка кириу

Нөкис қаласы И.Каримов көшесиниң Ж.Аймурзаев, Н.Сараев көшелери аралығында жол ҳәрекет қәўипсизлигин тәмийинлеў ҳаққында

14.09.2017                                                                                             05/09-139                                                                      Нөкис қаласы

Нөкис қаласы И.Каримов көшесиниң Ж.Аймурзаев, Н.Сараев көшелери аралығында  жол ҳәрекет  қәўипсизлигин тәмийинлеў ҳаққында

 

Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2017-жыл 3-июль 11/6-2500-санлы, автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып, аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз ҳәрекетлениўин тәмийинлеў мақсетинде, жол белгисин орнатыў ҳаққындағы усынысын қарап шығып, Өзбекистан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон, 197-модда)ның  7-статьясына, Өзбекистан Республикасы «Жергиликли мәмлекетлик ҳәкимият ҳаққында»ғы Нызамының 25-статьясына муўапық

 

Ш Е Ш И М   Е Т Е М Е Н :

1. Нөкис қаласы И.Каримов көшесиниң Ж.Аймурзаев, Н.Сараев көшелери аралығына жол белгиси топарына  кириўши бир дана

3.27«Тоқтаў қадаған» жол белгиси орнатылсын.

2.Жол белгисин белгиленген тәртипте орнатыў, Нөкис қалалық ишки ислер бөлими (Г.Сейтназаров)не тапсырылсын.

3.Усы шешимниң орынланыўын қадағалаў Нөкис қаласы ҳәкиминиң  биринши орынбасары А.Ибрагимовға  жүкленсин.

4.Бул шешим қалалық «Нөкис ҳақыйқаты» газетасында рәсмий жәриялансын ҳәм ҳәкимлик рәсмий веб-сайтында жайластырылсын.

5.Бул шешим рәсмий жәрияланған күннен баслап күшке киреди.