Сайтка кириу

Нөкис қаласы Ғәрезсизлик көшесинде жол ҳәрекет қәўипсизлигин тәмийинлеў ҳаққында

ҚАРАҚАЛПАҚСТАН

РЕСПУБЛИКАСЫ

НӨКИС ҚАЛАСЫ

ҲӘКИМИНИҢ ШЕШИМИ  

ҚОРАҚАЛПОҒИСТОН РЕСПУБЛИКАСИ

НUКUS SHАHАR

HОКIМIНИНG QARORI

                 А.Досназаров көшеси 96-жай                                                   тeл: (361) 222-89-77, факс: 222-71-01
 

                   10.07.2017ж.

 

                        № 05/07-105                                Нөкис қаласы

 

Нөкис қаласы Ғәрезсизлик көшесинде жол ҳәрекет  қәўипсизлигин тәмийинлеў ҳаққында

Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2017-жыл 3-май 11/6-1603-санлы, автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып, аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз ҳәрекетлениўин тәмийинлеў мақсетинде, жол белгисин орнатыў ҳаққындағы усынысын қарап шығып, Өзбекистан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон, 197-модда) ның
7-статьясына, Өзбекистан Республикасы «Жергиликли мәмлекетлик ҳәкимият ҳаққында»ғы Нызамының 25-статьясына муўапық

 

Ш Е Ш И М   Е Т Е М Е Н :

 

  1. Нөкис қаласы Ғәрезсизлик көшеси АМТС имараты алдына жол белгиси топарына кириўши еки дана 3.28 «Тоқтаў қадаған» ҳәм еки дана 7.2.1 «Тәсир аралыгы» (200 м) қосымша ескертиўши жол белгилери орнатылсын.

2.Жол белгилерин  белгиленген тәртипте орнатыў, Нөкис қалалық ишки ислер бөлими (Г.Сейтназаров)не тапсырылсын.

3.Усы шешимниң орынланыўын қадағалаў Нөкис қаласы ҳәкиминиң орынбасары И.Отегеновқа жүкленсин.

4.Бул шешим қалалық «Нөкис ҳақыйқаты» газетасында рәсмий жәриялансын ҳәм ҳәкимлик рәсмий веб-сайтында жайластырылсын

5.Бул шешим рәсмий жәрияланған күннен баслап күшке киреди.

 

 

                                   Ҳәким:                                                                                            Ж.Опаев