Сайтка кириу

Нөкис қаласы Алмазар көшесиниң Ч.Абдиров көшеси кесилиспесинен Беруний көшелери аралығында, А.Досназаров көшесиниң Қарақалпақстанның 60-жыллығы көшеси кесилиспесинен Беруний көшеси аралығында жол ҳәрекет қәўипсизлигин тәмийинлеў ҳаққында.

ҚАРАҚАЛПАҚСТАН

РЕСПУБЛИКАСЫ

НӨКИС ҚАЛАСЫ

ҲӘКИМИНИҢ ШЕШИМИ  

ҚОРАҚАЛПОҒИСТОН РЕСПУБЛИКАСИ

НUКUS SHАHАR

HОКIМIНИНG QARORI

А.Досназаров көшеси 96-жай                                 тeл: (361) 222-89-77, факс: 222-71-01
 

       10.07.2017ж.

 

                  № 05/07-104                                 Нөкис қаласы

 

 

Нөкис қаласы Алмазар көшесиниң Ч.Абдиров көшеси кесилиспесинен Беруний көшелери аралығында, А.Досназаров көшесиниң Қарақалпақстанның 60-жыллығы көшеси  кесилиспесинен Беруний көшеси аралығында жол ҳәрекет  қәўипсизлигин тәмийинлеў ҳаққында.

         Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2017-жыл 13-май 11/6-1819-санлы, автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып, аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз ҳәрекетлениўин тәмийинлеў мақсетинде, жол белгисин орнатыў ҳаққындағы усынысын қарап шығып, Өзбекистан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон, 197-модда) ның 7-статьясына, Өзбекистан Республикасы «Жергиликли мәмлекетлик ҳәкимият ҳаққында»ғы Нызамының 25-статьясына тийкарланып

 

Ш Е Ш И М   Е Т Е Д И :

 

  1. Нөкис қаласы Алмазар көшесиниң 33-санлы орта мектеп жайласқан Ч.Абдиров көшеси кесилиспеси Беруний көшелери аралығына, А.Досназаров көшесиниң «Прогресс» оқыў орайы жайласқан Қарақалпақстанның 60-жыллығы кесилиспеси Беруний көшеси аралығына жол белгиси топарына кириўши 3.24 «Жоқары тезлик шекленген» (30,50 км/с), 7.2.1 (100 м ҳәм 200 м) қосымша ескертиўши жол белгилери  орнатылсын.
  2. Жол белгилерин  белгиленген тәртипте орнатыў, Нөкис қалалық ишки ислер бөлими (Г.Сейтназаров)не тапсырылсын.
  3. Усы шешимниң орынланыўын қадағалаў Нөкис қаласы ҳәкиминиң орынбасары И.Отегеновқа жүкленсин.
  4. Бул шешим қалалық «Нөкис ҳақыйқаты» газетасында рәсмий жәриялансын ҳәм ҳәкимлик рәсмий веб-сайтында  жайластырылсын
  5. Бул шешим рәсмий жәрияланған күннен баслап күшке киреди.

 

                                  Ҳәким:                                                                  Ж.Опаев