Сайтка кириу

Нөкис қаласы Т.Қайыпбергенов көшесиниң Т.Жумамуратов, А.Шамуратова көшелери аралығында жол ҳәрекет қәўипсизлигин тәмийинлеў ҳаққында

            24.03.  2017ж.

 

         № 06/03-30                                          Нокис каласы 

 

Нөкис қаласы Т.Қайыпбергенов көшесиниң Т.Жумамуратов, А.Шамуратова көшелери аралығында жол ҳәрекет  қәўипсизлигин тәмийинлеў ҳаққында

 

Қарақалпақстан Республикасы Ишки ислер Министрлиги Жол ҳәрекети қәўипсизлиги басқармасының 2017-жыл 24-февраль күнги 11/6-668-санлы автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып, аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз  ҳәрекетлениўин тәмийинлеў мақсетинде, жол белгисин  орнатыў  ҳаққындағы усынысын  қарап шығып, Өзбекистан  Республикасы  «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами» 2013 йил 15 апрель, 15-сон,197-модда)ның 7-статьясына, Өзбекистан Республикасы «Жергиликли мәмлекетлик ҳәкимияты ҳаққында»ғы Нызамының 25-статьясына тийкарланып

 

Ш Е Ш И М   Е Т Е Д И :

 

1.Нөкис қаласы Т.Қайыпбергенов көшесиниң Т.Жумамуратов, А.Шамуратова көшелери аралығына   жол белгиси топарына кириўши  3.24 «Жоқары тезлик шекленген» (40 км/с) жол белгиси                  орнатылсын.

2.Жол белгисин  белгиленген тәртипте орнатыў, Нөкис қалалық ишки ислер бөлими Жол ҳәрекети     қәўипсизлиги бөлимшеси баслығы М.Ажиниязовқа  тапсырылсын.

3.Усы шешимниң орынланыўын қадағалаў Нөкис қаласы ҳәкиминиң биринши орынбасары        П.Турешевқа  жүкленсин.

4.Бул шешим қалалық «Нөкис ҳақыйқаты» газетасында рәсмий жәриялансын ҳәм ҳәкимлик рәсмий веб-сайтына жайластырылсын.

5.Бул шешим рәсмий жәрияланған күннен баслап күшке киреди.